Daga: Garba Hamza Yakasai
Tsohon gwamnan jihar Sokoto State kuma Sanata mai wakiltar Sokoto South Senatorial District, Aminu Waziri Tambuwal, ya sanar da ficewarsa daga jam’iyyar Peoples Democratic Party (PDP) tare da komawa jam’iyyar African Democratic Congress (ADC) a hukumance.
Tambuwal ya bayyana hakan ne cikin wata wasiƙa mai ɗauke da kwanan wata 11 ga Maris, 2026, wadda ya aikawa shugaban jam’iyyar PDP na mazabarsa, inda ya ce ya fice daga jam’iyyar nan take.
Sanatan ya kuma sanar da cewa shi da magoya bayansa sun shiga jam’iyyar ADC, yana mai jaddada cewa ya ɗauki matakin ne bisa imaninsa cewa Nigeria na buƙatar tsarin siyasa mai ƙarfi da ya ginu kan gaskiya, riƙon amana da haɗin kai, domin samar da ingantaccen ci gaba ga ƙasar.
